Bangkí Bangkí Adnélok Adnamlo Mising Opín

 Bangkí Bangkí Adnélok Adnamlo Mising Opín

  Kalinath Panggíng

Mising opínsém akon akoné "Miri" émna lula-adla dunggom bulu aídé Mising émna lusula dung.Mising kídíngé Mising émna lusukampé bangkí bangkí agomlok adné kídíngésin Mising émnamdém lekelokkébo adla gítung. 'Mising' émna adné kídí:dok adnam kídí:dé sémpé ngolu luposula:do.

     Mising opínsok amín 'Mising' gompirsém adbukpé adnédé J.F.Nidham-bí.1886 so:n dok adlennam Nidhamké

"Outline grammar of the Shaiyang Miri language"émnam Gomlam potindok lupong agom (preface)do sémpé attung-"....The Miris who reside on the bank of Brahmaputra,Dihong,and Dibong rivers,in the neighbourhood of Sadiya,call themselves Mishing (I have not yet been able to find out the derivation of the word...".

   Lokshminath Bejboruaké Nébí:pé bílenna la:lennam Ohomiya Lusar "Bahi"dok 1915-dok lennamdo Premodhor Soliha-ké adnam "Miri" lugé:do:sin Mising émnamdém attung. 

Bí attung sémpé--"মিৰি জাতিৰ নাম আচলতে মিছিং। মিছিং মানে পানীৰ মানুহ বুজায়। ইহঁতে ওৰেও বৈ থকা নৈৰ কাষত থকা বাবেই বোধকৰোঁ তেনে নাম পাইছে। ইহঁতৰ পূৰ্বপুৰুষৰ জন্ম ঠাই সদিয়াৰ ভালেমান ওপৰৰ কুইলিংকাঙা নামৰ ঘৰ আবৰহঁতৰ ঘাই ঠাই ডমৰাহ পৰ্বতীয়া ঠাইত বুলি কয়।"

  Do:pín Migang Sunaram Pa:nyang Kotokibí:sin 1935-do Ohomiya:pé adlennam "Miri Jatir Buronji" émnam potindo Mising opínsok amíndém "Mising" émna atkantung.Bí attung sémpé--

"প্ৰকৃততে মিৰি বুলি এটা জাতি নাই। মিচিং নামৰ জাতিটোকে ভৈয়ামত মিৰি বোলে। এই মিচিং বোৰ বৰ আবৰৰ ঠালৰে।"

Odok lédupé Mising réngam ara:lok abayang adné Mising gompirdém atté:la attung.Odogbuluk Gomlab Migang,Torun Sondro Pa:me:Ga:m, Dr.Numol Pé:gu,Agom Migang Nahendro Padun,Indreswor Pé:gu,Dr Bidyeswor Dole:bulu.

Misi:lok tadgénam adné Agom Migang Nahendro Pa:dunbí:sin bík "Mising Sonskritir Potobhumi"(2015)do attung sémpé--

"(ক) অসম আৰু আবৰ বা আদীসকলৰ লগত যোগসূত্ৰ ৰক্ষাকাৰী হিচাপে মিচিং সকলে মধ্যস্থ লোক বা ব্যাখাকাৰী--এই অৰ্থত মিৰি নাম পাইছিল;

(খ) মিৰি সকলে নিজকে মিচিং বুলি কয়।

(গ) মিৰি নামটো অসমীয়া। মানুহে দিয়া বা অসমীয়া শব্দৰ পৰা অহা,

(ঘ) মিৰি শব্দৰ অৰ্থ মধ্যস্থ লোক বা ব্যাখাকাৰী;মিৰি শব্দৰ অৰ্থ পুৰোহিত।"

1966 so:ndo Kulajan mo:taglok ba:nam Mising Ba:né Kéba:lok 23né Mirum kéba:dém lutomla la:lennam mé:pa: potindo odo adídok Ohomsok mirung ru:tum Bimola Prosad Soliha-ké aseng agomdo:sin Mising émna mitomla attung.Bík aseng do:jígdok adnam--

"অহা ৪ ফেব্ৰুৱাৰীৰ পৰা আৰম্ভ হ'ব লগীয়া অসম মিছিং বানে কেবাঙৰ ২৩ শ অধিৱেশন উপলক্ষে এখনি স্মৃতি গ্ৰন্থ প্ৰকাশ কৰা হ'ব বুলি জানি বৰ সুখী হৈছো। মিছিং সকল সচাকৈয়ে আমাৰ এই ধুনীয়া ৰাজ্যখনৰ অতি বৈচিত্ৰ্য পূৰ্ণ সম্প্ৰদায় সমূহ ৰ অন্যতম।"

Édé mé:pa: potiní:do Sorbanondo Rajkumar-bí Mising opín agomko adlentung.Bí Mising opínsok amín agompir "Mising"dém atkantung sémpé--

" অসমৰ প্ৰায়বিলাক জাতিয়েই নিজক "মানুহ" বুলি কোৱাৰ দৰে এসময়ত পৰ্বতত বাস কৰা মিৰি সকলেও নিজক "মিছিং"অৰ্থাৎ "মানুহ" বোলে। "মিৰি" শব্দটো অসমীয়া সকলে প্ৰয়োগ কৰা।"

Bharot mo:rumsok agom léga:lok bottéya:né ope: "Central Institute of Indian Languages"lokké Balram Prosad-ké adnam odokké Debi Prosadla: P T.Abraham-ké ka:yinsunamki la:lennam "Mising Grammar "émnam potindo Mising gompirdém nérkíkpé totémla attung.

Agom Migang Tabu Taíd-ké adlennam "Mising Gompir Kumdung","Introduction to Mising Phonology and Grammar" émnam potin kídí:do Mising gompir amindém attaksula adnamé.

Édémí:pé Ohom migomésin adí adílo tolennam sorkari lupang-lutad kídí:do "Mising"gompirsém atté:la adnam kakodé bojéko lendu:bo.