Kinsutobong Réngama
Lili Dole:
No lo:dí:pé yubngangsula du:mílo
Nok ainé agerdém
Se:ko gerbiyen
Aine agomém
Seko lubiyen.
No ígíngém rínregsuge:la
Gílennan aiyiré a:dubong
16 oktubor TMPK ona:n longé dok
Kébang bangkodo
Réngam ngasoddém
Yapusugela ainé tarung ru:yé émna
Pesula du:nan adíé kamabong.
18 Oktubor dírbí ona:n
Longédok kébang bangkodo ngolu
Ír pongkírné génam bomnamém
Gélenbomge:la aíke ka:po kanganné
Gélod bomlod, du:lod daglodém
Dírbí ona:n longngoudo mosiyé
Émna:n ayiré kamabong.
30 oktubor agom longé
Édé agom longngoudo
Aíké lupo-lunganné ti:né tatpon agomsém
Tatpopé lugela
Abígém addla du:yé émna
Pesuna:n ayiré kamabong.
No darobla gílen-gel
Réngamém urropto
No aine tarunggém rungge:la
Jé:la gíbomí:l
Réngamé yubla du:ma:pé
Nok dakropkol dagrobbyepé.
No ainé tarungki
Ainé agomém Lula
Lékorém kormílo
Rengamé nok lédulo
Írpongkírpé jé:la gímínyepé
Írpongkírpé jé:la gímínyépé.
No comments:
Post a Comment