Mé:pa: Modung
Sornolota Yein
Mé:pa: modung ngom
A:né abung kongkola
Sulli lambé gíkodok
Sa:la du:né bu:yidélang buguri nérídé
Gíné dítag kídídok
Sí:sang adídok gernam agerém.
Ginmur po:lo:do
Lígangém yama:la
Purang apin ra:napé
Nakum sudungai baridok ísíngém.
Gíkítaggai sulli lambém
Badkí badkíla angkir biddopé
Baridok ísíngém tupkut jonggela
Dokítaggai ti:né ku:né
Píta pímen Buguriyém
Mokítaggai asin mé:namém
Oi ni:tompé anu ni:tompé
Kabanpé yabanpé
Sulli rago bankampé
Répum répumpé banna
Asin mé:dirém
Do:dí dípé dímokítag
Amiksok miksipé
Bídum bíag lambédo
Terra:sul dungge:la
Mé:pa yékum asinso
Ma:nyíngémpé mé:dagku.
No comments:
Post a Comment