Ba:buké Yumdéng

         Danny Gam

Kai oiya mé:térsudanna aya:tei 

Odokké tuptasok dosuptei 

Miksém kapil dídu:n dítérsupéké 

Ajjok lédupé kémo ru:rubyé 

Ngolu ngoluk migmom ka:begmínsukuma:ye

Ngo monbanggédung 

Ngo ru:be:gédung 

Aso: aso:pé ngok amírsé larkuma:p idu:bong 

Élé yumé épomé gídobong 

Ngok po:sumsém langkolo

Mé:pol du:lang aína .

Ngo among asublo yubla do:yeku

No ngom mé:pa:la ngok asubdo yubla do:lang 

Ngok ao ommangém gokkumsutei 

Asut asutpé apong alangko bulum sunlíkmotei 

Apo:dé ngokké mé:bomsunamai.