Longésé Gítídag

Anuj Yein

Ngoluk kinsuma:pé

Né:iyé ngansa:dung-santí:dung

A:yé mindung-oleddung

Ísíngé jardung-té:la té:la pardung,

Anu ukum akudung

Yabgo-me:so dirsod-dung

Anu mimag mobom-dung

Leke do:yingém pitman-dung

Anu tarungém ru:sa dung

Anu,anu ngasod a:tídung

Anu ager Ko:ri:ko kadung, édém tadla

Ngasodlok ko:yaddo

Se:kai se:kai durbud sutíl dung....

No, ngo mopíd Sula:mang

Ayirsé gíbad-tíl gídung

Kapéi sagur suyen

Adi:sé Toya:mang

Ngasodéi gíbaddung kinmang kinma:pé

Longésém dukbad dukbadla….