MINOM PÉTTANG                              

                       Swarnalata Yein

Minom péttangé dé:la gído

Dagtok ésar lédílo

Lepe:lagpe:manémpé

Sí:lung do:lung kinmapé

Dénggo déngg:ola jétadbidung

Réngam dungko dagkom mosísutoka

Ali bírdugém yamrígsukapé

Rélégpé réngamém dagrobtok émna.

Minom péttangké jénam tadla

Mosísudung réngamé okum rénggongém

Pétpusudung lotta pédungém.

Mo:pí:ségom sesudung

Anu galug gasor géla

Ali bírdug yamrígsupé émna.

Édém ka:la tani: takamé

Asin mé:po médírko mépasung

Atér dungko dakkodo

Asin mé:po mé:dírém mé:la

Asin a:rang a:rangki déban banpé bana

Ri:madung mariyém pékí mari ringkampé

Atér gíko lambédo,oini:tompé,anu ni:tompé

Yabanpé,kabanpé,jeyi:jemadpé ri:mana

Anik mikrungki dípag modung dodípé.

Asi sikur bidkampé,bidmodung miksi sikurém

Do:mumlok yingkabné mukkangé yipagkampé,moromodung asinném.