OPÍN LÉGAPÉ

Mg. Budheswar Pogag

Majuli

Do:nyi:yé Sangkabong

Píangé píkabong

Pésin-Porogé kokkabong

 Yumngaksuyoka ngoluk Éranga.

 Lentok kai ngoluk Éranga

 Ngoluk Opín léga:pé

Lentok lérékpé takamé

Opín léríng síkkapé.

 Longé a:dung,longé gídung 

Amiké Opíné mirémé rémdung,

Ngolusin opan pannémang

Do:nyi auném kangkinné

Po:lo ruwadém ka:péné

Lédumokutsula du:némang. 

Lentok Kai ngoluk Éranga,

 Aíké Opín Léga:pé

Asin olíksula ager gerkolo

Pogag éra:sim gíbadbokolo.

Opíné Kamamílo

 Agomé du:ma:ye

 Agomé kama:mílo

 Turgodé kama:ye

Turgodé kama:mílo 

Nom amme ngilka:ye.

 Lentok kai ngoluk éranga

Ngoluk Opín léga:pé,

Mé:ngkin-sutoka Longgíng gu:míné

Ka:yir-sutoka   Pogag opíné.

 Lentok Kai ngoluk éra:nga

 Ngoluk Opín léga:pé,

Sodiato du:daggom

 Bhorolibo du:daggom

 Appíngé lékopé lékorém, 

Korlangkui lentok kai 

Longgíng gu:mín légapé

Pogag Opín légaipé.