সম্পাদকীয় Nébíngké Lupénam

 সম্পাদকীয় Nébíngké Lupénam      

Ali A:ye Lígang (আলি আঃয়ে লৃগাং)

      'Ali a:ye lígang' amindém tatpa:yeméi misingké ang-amíré rébísa:dag. Ajjouné ko:ka:lokké miné míjí:lopé asin arang ara:bo Oi ni:tom, Gumrag Paksong-é so:la du:dag. Lígang a:yemílo sé:kosinéi misingké aipé mé:bomsunam aríg inam írdí:dém ima:pé tedla du:rasulamang. Bharod mo:rumlok Ohom, Orunasol mimo:lo du:né takam mising tani:é líga:ngém Ginmur po:lo:lok a:pongarné lígang longédo rélékpé líga:ngém moí:rnam ager tarungém idag. Ali A:ye Lígang-dé mising opínké ru:dum gí:dí:sí:píé. Édém ngolu aríg inam mo:rum írdí émdo.

     Siyum siro Ohom mimongouso Ali A:ye Lígang írdí ager tarungém imang. Bharod mo:rumsok angu angu mimo:lo lukanpé Delhi, Bangalore lo pola du:né, sakori iné dokké atí atí ager ila: du:né takam misingé lékola misingké mé:bomsunam Lígang írdí:sém í:r-pongkírpé moí:rnam ager tarungém longé-lo:bungko lagidanna idag. Édé mising réngamképé aipé aine agomé. O: Lígang Lígang émna du:la amme: mé:dupé líga:dé okkan ? Ali A:ye Lígang-dém siyum siro andéngoupé Lígang, Aliyai Lígang manggom Ali Lígang émna ludag dokké Ni:tom, Mé:tom-losin molígnam, adlígnammém ka:padag. Aíké tani:kídíngísé kapilai édémpé andéngoupé "Lígang, Ali Lígang; Aliyai Lígang" émna lubomkasong édémdanna ngo kinkurla:tomang. Ékédag dékédag odogbuluk luké:dédanna Ali A:ye Lígang-é. Édémdanna mitpansuyoka. Ali a:ye líga:dé ngoluk mising-képé mo:rum írdí:o:mang, édé mising opínké mo:rum Kangkin-ésin.

   Léddarpé Appíngkélopé Ali A:ye Lígang Asin Aséngko Asé:lígdung. Sa:

      

  Tapan Lal

Nébíng (সম্পাদক) Doksiri