TURDAG AYIRSO
Krishno Dole:
Nolduwar,Majuli
Léko otagmilo
Léko siyérung
Édé ru:néké ru:namé
Odag lédulo turge:la
Turnam tarungko
Tani: kí:sapé gernamdé
Édé agin alodé .
Onamdé ngokké gírobé
Sinamdé ngokké gítéré
Pongkogdé ngokké lékor korko
Tani:ké turko bélam makko
Dong amo:so turko bédangko
Sima: do:dopé gítasukko
Gené mo:píso Agom luta:sukko .
Léko Otag
Léko siyé
Mé:dír mé:pé namé kamang
Kapla sagí gípénamé kamang
Gerpénamdém gerpénamé
Tani:ké turra du:dagso
Ngok asin mé:namko .
Sidag lédulo
Séko lu:ladagné
Ngo Oko ager gerto:son ?
Réngam ara:lo
Ngo turyar mopé:milo
Ngo Tani: kí:sapé
Réngam Kampon agerko
Gerpei lagiyé
Ngok Turnam Mimag mo:payé
Réngam a:bang síkpa:yé .
Mising réngam Írroi
Mising Agom Írroi
No comments:
Post a Comment