Lígang Mímbír

                                         Nirmali Pegu 

Mo:sangoi ege-gasorkoki lígang mímbíré

Lí:ne - gené dé:ne popír

Jé:yarroi jé:yarroi nitom tuli 

Pétu tipun ara:do a:né ru:yido....

Si:sangoi asiné lígang mímbíré

Biréoi - birkurla bérymoi- géryumé

Gumrag maksong so:yumé

Na:nyi-ka:kíké lígang mímbíré

Po:tuboi-segbungkokki nogin- po:ro tonjongé

Namtioi- namando:pé purang apin kunjongé

Okum- bari kumjongé

Sarnéoi ésaré dé:né pettangé

Ginmur po:lo:do gipuné

Do:nyi-po:lo:ké lígang mímbíré

Gomugoi-gomlabkokki lígang mímbíré

Oinok ayangé mé:tomoi abígdo

Gomyaroi gomyarla 

Régu moko:do yummang ma:nyíngbo.