Lo:dém Mé:pol Turnané Lambé

                  Newton Pegu

                  Jonai,Dhemaji

                         (1)

      Mé:podé okkon?Sidé mo:diso turra du:né appíng taniye lo:nyiko: turra du:dakso: lo:dém mé:pol turra du:lí:dag.Émpigel appíng taniye lo:dém mé:pol turramang.Kapila émyemílo: appíng taniye lo:dém mé:pol turnan lambé:dém kinna:mang pa:la:mang.

      Ngok mé:lotpé mé:podém ba:nyikopé topansula:dag.Abangko: Amír kané mé:po,Akondé Asinbolog mé:po. Appíng taniye amír kané mé:pom pangkí:tag.Sidé mo:písé édémpin taniye ako:sin  kamang sé:ko:bí amír kané mé:podém pangkíman.Ajjidagdo: ngolum sé:kaibí ti:né-ti:pangém,donam-tí:namém bimí:loi ngolu aipé mé:po:daggai.Tani ako: édí:lailokké:bong baik rénam ma:nyiko: ma:la dungngai longéko bí édé ma:nyidém aro:mola:to.Odo: longédo bí aipé mé:po:kang.Édé mé:po:kilídém amír kané mé:po émdo:.Amír kané mé:podém sogabgel taniye lo:dém mé:pol turra du:la:mang.Amír kané mé:po:dé lo:dém du:yarmang.Kapila émyemílo: saikel dugge:la:sin tani ako: mé:pola turra du:la:dag.Tanilokké ma:nying ma:namé ma:téré kamang.Silo saik el du:míl yampo: baik rélí:ye; odok lédí:pé soka ba:pik kanéko: la:líye.Tanilokké mé:téré kamang.Taniye ammem léngkanna aipé mé:dag odokké mé:podag.Taniye amír kané mé:podog lédílo: dugmínna Asinbolog mé:podém mitpangédakkung.Amír kané mé:podog pa:nam mé:podé du:yarné mé:pomang.Asinbolog pa:nan mé:podé:pag du:yarné mé:po. Taniye édí longélo:pé asinbolokki mé:pola:ma:ji édé longédo:pé lo:dém mé:pol turra:ma:ye.Taniye lodém mé:pol turna:pé asinbolokki mé:pokinpa:ye.

     Su:pak agom ako: taula:do - Asinbolog mé:po:dém ngolu kapé panggé:la lo:dém mé:pol turra:yen?Appíng taniye Asinbolog mé:podém sogabgel lo:dém mé:pol turramang.Kapila émyemilio: appíng taniye lo:dém mé:pol turna:né lambédém kinmang,Turnamsé okkon kinmang.Turdakso mé:po-mé:dírko: du:dagrung.Turra dungko: lambé:do mé:po kapé du:dakji médírresin édémí:pé du:dag,kapnam-yirnam, pa:nam-pa:ma:namko: du:dag.Odok amin néméi Turnam émtag. Émpila Mé:po-médír appí:dém ngolu lérékpé sogabgel turra dungko: lambédo gíbatla gípé:nampé idag.Odopak ngolu turra dungko lambédog gíbatla gíla:ye,tanipé batlaye,Lo:dém mé:pola turra du:laye.

      Sok attu:dém pa:tí:ye

(আগলৈ)......