AJON KAJÉ LENTOKA

                                    Royal Pe:gu

Ajon kajé lentoka

Kajé kajé ajon lentoka

Mising ans:í:né, kamponé

Do:nyi-Po:loké ru:namé

Se:di-Me:loké ommang émna 

Lula du:míl ayélang

Mimag tarungko ru:ma:pé

Réngam turnané anu bélamko síklenma:pé

Aíké dírbé-agomé 

Du:téng mo:diyé yoga:dung

No kinsuto silo

Ajon kajé lentoka

Kajé kajé ajon lentoka

No silo aíé  aíém kangkin suma:mílo

Aíké Agom-dírbém

Aíké mo:di-réngamém mosí:suma:mílo

Turra duma:yé nok réngamé

Pu:mu así bidyud-bidmaddung

Rago ko:yudbomdug Mising do:lungém

Amme rotpagbomdung nok du:téngém

Silo mimag tarungko ru:la:jé

Réngam turnan bélamko síglenla:jé

Ajon kajé lentoka

Kajé  kajé ajon lentoka

Rélékpé jé:toka 

Mising réngam írroi!

Mising agom-dírbí írroi!