MÉ:TOM

                  Jiten Noro

Méyum ngo ajjoukosin yubla:tomang

pa:ta:dok tatíkkídardok

to:g kama:pé ri:nam lérég mari:do

ngok yummi payégdé yokpakkang

yupkodokké daropto ngo

mé:tomko atpé émna

yabgodém sígge:la ka:toném 

gongi: lo:li:n sali tu:yi:to 

so:bé bé:manna du:né 

kassémé karsa:né po:lodé

yummi: méyablok ansí:né ésarém pa:la 

yuptabla oa:pé mala dung

mitom ajona !

Ngolusin yubla du:mílo

réngamsé ru:rubyé

Kajé !

Kajé ngolusin karsa:lai

mé:tomki ngolu yubla

du:né takam réngamém udroblai

írroi émna lèrékpé ruad

mala gíbolai ..