চিৰসত্য
নন্দেশ্বৰ মিলি
মৃত্যুতো হ'বই এদিন আমাৰ
এইটো শাশ্বত..চিৰসত্য
যদি এতিয়াই তাৰ বাবে
কৰি থাকোঁ শোক-বেদনা
কিবা থাকিব জানো
জীৱনৰ অৰ্থ।
এদিন যাবই লাগিব
তুমি-মই -আমি সকলোৱে
অজান-অজ্ঞান সেই দেশলৈ
য'ত নাথাকিব কোনো
আন্ধাৰ-পোহৰ
য'ত নাথাকিব আমাৰ
সুখ-দুখৰ বিচাৰ।
তাৰ আগতে আমি
এই বিশাল বসুধাৰ বুকুত
ৰুই যাব লাগিব
ভালপোৱা-বিশ্বাসৰ কঠীয়া
য'ত লহপহকৈ বাঢ়ি আহিব
মানৱতাৰ বিৰিখ।
No comments:
Post a Comment