BOHAG BIHU ÉLANG MISING RÉNGAM 

                                                                                                                    Nirmol Noro

Bohag bihusé Mising réngamké í:rdímang. Bohag bihusé Mising réngamké í:rdímanggomsin bihu a:yemílloi bihuém imín gímíndag. Aíké bottéru:né Ali a:ye lígang lang Po:rag gí:dí sí:pí í:rdíém ibom gíbomsula dungge:la:sin angu angu opín ope:tani:lok í:rdíém imín gímíndag. Édé ngolukké Mising réngamképé omonnoyé. So bottéru:né ili ilodko ngoluk Mising réngam ara:lo a:la dung. Édé ilidé sé bulu- Mag bihu,Kati bihu,Bohag bihu lo ngoluk Mising tanié bihu saki ba:nam iliko a:la dung. Do:nyi-Po:loké ommang Mising tani kídí:sé  aíké í:rdí Ali a:ye lígang lang Po:rag kídí:do  édé ili igoddém ménga:la ménggabla igabbomtíla du:pénammé. Akon akon opínlok  ili igodém ngolu édílo mépagyen?  aíké Agom dírbí ang adin gímílo Agom dírbísém turyarmopé mé:mílo aíké ili ikamdém inamdé:pag aíké Agom dírbí turbonané bélamé. Mo:pun khogen Mohanto bí lutung- Mising oi ni:tomlokkipag osomiya bihugit sok toré tonamé lenkang émna. Édém ka:yemílo Mising réngam ké aí émnam gasumko attaré du:sudung. Édémbulum ngolu angu opínlok dìrbí a:lodém a:mo gímopé lagimang.