DEUTA

                                                                             Debanondo Pe:gu

      Líga:bí lu:jaro:lo du:daggom Mising agomém toma:pé lujo:la Mising agom poyirnépé pa:to émna amme lunamém tadla dung. Aropésinéi lékoném ríksuyémílo Mising agomkokki luposudag. Abudé migom ager pa:dagdo Líga: bí ape: kona:do gídagaboi. Buluk do:lung kérang atakpé mipag do:lungei kamangai. Mising agom poyirnépé ila do:lungí:so dungku. Lígangké aodé ané-abudém mammi: papa émdag. Siyum-sí:roké omma:ngé, oué-bauo émmílo amme lure: luse:la lupéké émna mé:sudag.

      Longékoném Líga:bí yumdéng ayirkolo gogla gíto. Ngom tedmoge:la Liga:bi abudém ngengka:la lukang., " Deuta nok buari:dém ka:tonei ? Sa:ngko kirmopénamai. "