MOYIN

                                                                                  Someswar Medak  

 (Luyir do:ying)

Kuruketoro mimag  arado, Gita arado Sri Krishnobí atai Orjunmé

longékoné do:yingko kíbito.

 " lekelo bepari akoné longékolo kopé émna apí-a:ye bomla méromém ta:to- ya:yobulum kumsuge:la lento. Lambédo bím mendariko dugríto. Odo bí okumpé gíladlangkula ayné ayir 

toyala du:to. Asindé airupé mé:dírkang. Lédudo ayné ayir émna lékosin lentoku.Lambédo gílenla ka:to,odo bíkké   gínapénané ga:ridé  dukpakkang. Adìdo migombí apí-a:ye pa:mala airupé aglíng sangkang. Migomé édé beparidém mo:rumdo attarém komotoma. Odo bí ayrùpé mé:dírkang. Okumdo a:langkula néng ommangém ge:mín- pamínsuto.Néngdésin odolo a:ng géla abu okumpé ommangkídarém gípakbokangku. Édé appíng aymang agerkìdardém ondobissasné amidé mendaridépak émna mé:bomto. 

    Édémíngpé longé akonkolo angu bepariko attar bomla kokapé lang migomém ríksukapé lento.Bímsin lambédo mendarikoné dugríto. Bí asindé mé:dírkang ; émpidaggom gínamdé ayye émma kínggísula gìbomto. Adído bí migomém tomsag bito. Migomé ayrùpé mé:pokang, tanidém aín- murkong,génam- bomnamrébbílíkbito.

    Mo:rumdo bím attar komoto,ager germoto. Mé:pola okumlo gíalangkula néng-ommangém donam-tí:nam, doboto, génam-bomnam géru-bomrusomola , miremla dungkang. Bí:sin ondobissaslla ayné ayir tokala dungamílo , lupapo:nam taniéngdémpé opan- ki:panla du:pakya:pé. Édéna ngolu gílen- gíayem mendarié dugríyem ayma émnamdém o:rípé singala ka:mílo aydo. Édéna lekelok aymané  agomékké okodé réngam légapé okoloksin kabomaji  édémpiné ondobissasné agomém moyinsumílo:pak réngam,yelam ayyepé. "