Tupta!

        Jahan Doley

kamrali aipé aíka:pé

jarnam déi oinu dagai

amme dopsongéké émna ya:yobí

tanyur ta:ngém soyet tung....

Ukumsé okko du:n, do:luséi pu:le:dag

so du:la ngo yoga:dung;

gíla gíla ngo mo:ríngém gíkurto

donamém péki:ko pa:pé

ajin-amírém pémikpé míkpa:to

do:nyi pédongé ala:pé mu:pakto,

ngo kénongé..... rokkiyé bínka:bo......

Guné así kakrum nammémpé ngo sumrobla

duktoku aíké do:lu:pé, aíké ukumpé.....

O:bí ngesa:la kangkang ngom

Baubí taukang---- okai bomtak kunei....!

Kéno:badla aíkoi dopé mé:la

kamrali munkapé gítungai

ta:ngém sa:ník suto.

Alum-alumpé miksé ngom

Pérjém-bomkang.....!