Duggénna Du:yok
Turnamsé Lo:nyio:ngko
Tapan Lal
Nok asin lottado
Édílai ngom madaggom mabekkupémang
Nom aglíngki
Ngo gípagmílo
Mo:téng mo:dipé
Nok asin ara:dokké.
Ngok kama:pé
Nok sí:san asindo
Édílai ayang gompodé bé:la du:ye
Odo no sé:kom gogla tadmo:yen
Nok ayang ni:tomko
Ngo:éi kama:ye
Nok kéra:pé
Asin méngkampé
Aya:mínsu:pé.
Aglíng ge:líng, mé:dír-mé:song mégela:sin
Ngolukké ayang mo:píko dung
Édém no kapila mé:nyoksudun
No kindang !
Aíwém mé:nyoksula
Mé:po:la du:na:n ayirdé ayangé
Ayango:ki turpé mé:namdé
Ayang turyingé.
Bojérungko mé:mi:pénam kamang
Ayang ga:nédo
Asin jí:butsula ursu:namdé
Mé:dír agommang
Nok yudjera:dagdok pirasukodé kínggímílo
Angupé okkomsin lagimang.
No comments:
Post a Comment