NOM MÉ:TÍLA DUNG

Krishno Dole: 

Nolduwar, Majuli

Yumé yoralo mérmér-sérsérla

Ka:begdag manyi:bo  

Ngo yubmiyé a:mang

Nokké yalodé dakkansudag 

Yuba:lamapé .

Miksa:la ka:toném ké:namé

Ngo amig pirnyisé

Porog kogdí to:tí:ro:rí

Rokom ésar sardag ayirdo

Ngo tedla dungai nom mé:pala

Nom asina ola.

Rokom ayir ésar sarkodo

Ajonbí sarbo suge:la

Dé:né péttapé déngkangku

Asinang onam onampé

Ajonnok aya:dé asinso du:dopé

Nomé asin odopé.

Turla dunamsé mukling yariyé

O:sar sulaman pédong ésaré

Do:ng amo:sok jonnam ajonmé

Uyu amo:bo: ríksu yékuné

Karra du:né takarpé

Ajonké aya:dém mé:pala duyé