MIMAG

Krishno Dole: 

Nolduwar, Majuli

Kajé réngama turlajé 

Pu:po jarpola ésa:ngola du:lajé 

Anu mirungko mé:len bolajé 

Ngolu takamé gíkum suge:la 

Ainé tarung ru:mín sulajé 

Takamké ainam tarungko .

Sé: amo:so turla du:yémíl 

Aiké turnam kinsu:toka 

Anu bélam siklen sutoka

Takam du:pum suge:la

Réngam do:ying kítoka

Lamté papu:sutoka .

Ngolu mimag modung Mising légapé

Ngolu tarung ru:du réngam légapé

Sinam turnam mitpan suge:la 

Gídi: ponsém bomge:la

Égíd jinrég suge:la 

Mimag mo:kap gílajé .

Sidé amo:so turla du:yémíl

Asin okandop ager gerrangka 

Réngam légapé simíl silangka 

Kampon gaso:rém sortíd ligge:la

Miksém díkandop nom

Réngam mitpan suma:dop nom.