Nébíngké Lupénam (সম্পাদকীয়)
Poyirné (শিক্ষক)
Sé:ko kinma:nammém lukaido:ji, sé:ko anu bélamém léngkando:ji; ainé ainé agomém luyirdo:ji bí:m luyirné abu:é manggom poyirné émna ludo. Poyirné kídí:ngé aíké turying mé:bo:ém mépagge:la iyirsuné, poyirsuné ko-ko:néng kídídok ainé turying léga:pé aíké turyingém tosaglígdag.
Ngolu aíwé ake: agerém gersu:kinmang. Édé ager kídí:dok léga:pé ngolum lukainéko, ikainéké; pokainéko lagiru:dag. Pogo:lo ngolu okodém poyirsudo:ji édémong kin-go:é émna lumang. Pogo okum ara:dokkésin mo:jarné mo:pí:so lo:dí:m ngolu anu anu kinkínamém pa:la gído édébulum ngolu anu kin-go émna ludo.
Ainé tani:pé ipémílo ngolum poyirnéko lagiru:dag. Poyirné kama:pé ngolu ainé lékorko bagémpé jorgablamang. Sido ngo pogo:lo potiném poraio:nédém poyirné émna lumang. Ngolukké aíwe ka:sunam manyidém bastobso léngkannam léga:pé sé:ko ngolum iyirdagji bím ngolu luyirné manggom poyirné émdo. Lukanpé - no bicycle ém dukkinmang, dok léga:pe nom dukkainéko lagiye. Édé dukkainédé nokképé poyirné.
Pogo:lo potiném porinamém mégela:sin su:k anu adí:so ngolu internet lo anu anu agomém kinnadag. Dok lega:pé ngolu special pé youtuber manggom website ara:lo gía:la ngolukké kinní:nam agomém kinna:dag. Kapiné website, youtuber dé ngolum anu agomko kinmo:la anu bélamko léngkanto:ji bí ngolukképé poyirné abu:é.
Tapan Lal
No comments:
Post a Comment