NO GÍYÉ ÉMNA 

Anil Mili

Telam Rangoli

No gíyé émna ka:la:dung

Méyum yubkodo:sin yumi:mang

Édílo rokpobí kokyén pía:ngé lí:lenyén

 No gíyé émna. 

Lottadok appundé i:lenna pundung

Lubisula:mala ka:la dung

No gíyé  émna.

Pédong ésarpé sarra dung

Nok rémné aya:ngé

Okum kaknérpé du:né némíné

No gíyé émna. 

Lambé ru:yido ka:la dung 

Dekko motoré dugbadkang

Jil-mil jil-mil amikso ka:bekdag

No gíyé émna. 

Mé:la dungai asin do:nyingsém

Kíbisuge:la mé:pol du:pé

Anupé la:sa:nam anuyampé

No gíyé émna.