KÉNONG

 

KÉNONG

Debanondo Pe:gu

     Dukan kiriki:dok po:lo loladé lídémpé lada:la Ruadbí yupkodokké kinsukangku. Amik pirnyidém ri:pu: suge:la ka:namé ko ako asi ba:du:némpé létí so:nyidém leyi: lésa:la kiriki:do panna dung. Alag so:nyido asongkolo biskud pakedé odokké songkondo sips pakedém yumgabla dung.paketkídí:dém alagdo yumgabma:yamilo kiriki: dokké osugla:ya:pé.Ruadmé asubdokké darobdopé an-ge:la biskud odokké sips pakeddém mépagge:la dukkangku.

      Okka:n !! Ruadbí asindé pésogamkang. Kiriki: ru:yido:pé ngé:lígla ka:toném biskud paket kídí:dé po:lo loladdo unna dung. Édémbulum mépagge:la yabgodém moge:ge:la ru:yido tolopéla: bolopé ngenggo:la ka:to. Lídémpé kempíkké okumdok yabgo mokabnamko Ruadbí tatpa:to. Aso: aso:pé rua:la lottadokké yeru:dém kepege:la tattoném okum ara:do písí -pasala mimékola ko:ko luposunamko tatpa:to. 

     "nok yubbiddag lédupé nok baubí ambíném rébomlangkula apiném mola dokaku. No udla:sin tadma:la nok kosagdém sagla lé:bitag."

Ko:dé lulad-sudung, " ngo kinma:la:min. Yumé kidisudo dokké kéno:badla yubngap-sula:ma:la Ruatké dukantok dopsongkolo gítagai."

Ruadbí tatpa:suge:la aso:pé gílatkangku. Mépagnam biskud odokké sips pakeddém lé:síngge:kula yuba:dantoném pérogé kokkang.