KINSUMA:PÉ ASINSO
ÉSARKO SARANG KANG
Debanondo Pe:gu
Kinsuma:pé asinso ésarko sarangkang
Aima:né ésarko
Lambém molíg bila:sin sarrentokuma
Yumrang sittémpé asin ara:bok okumém
Ní:pen-ní:renna abín bírínkang.
Édé émmum-mang,ki:par pérné ésaré
Nésin némí:lo:pé nérbín birinto
Nge:sal ka:yem po:lobí atéré,takar ara:do
Tani: yumrang ara:so ngo:sin atéré.
Yubngab-sumoma:n ma:nyídé:sin bíngkang.
Okolai asin sungkenbo appun abíko pundagai
Édésin mo:té:pé gípakkang.
Pérog kognam toya:la yubngab-suma:pé du:to
Okolai anu píangko pa:yéji émna.
Émnai kapiyén ? Mé:namsé du:pakkang
A:né pongkogdo rébadkaman ollu:pé.
Naréngo:dopé ka:nam asido
kintomang aimangésin du:pé émna
Sí:sang adí lo:tu:do,asinsé yumdéng ayiré
Kombong po:lo a:la:sin, so:yung pakkom kaptoma.
Asin bogum sí:luso otsuré surtoma.
Kapiné ésaré sarangkan asinso
Ngok do:mírso mukkangé yoktoma
Kémoné yumésé píangé a:toma
Po:lobí:sin silo dumsíg migmom léngkansutoma
No comments:
Post a Comment