TANI AJONA

K K Pogag

Majuli

Tani ajona turdagso taniyém tanipé kangkinla:ngka.

Sidag lédupé taniyé taniyém kangkinkuma:bong

Turdagso taniyé tani légapé ayang kama:mílo

Taniké légapé asin oma:mílo miksi díma:mílo

Sidag lédupé asinang ola miksi díla

Taniyé okkomsin pangkuma:bong.

Turdagso lo:dém mé:pola turpénammé

Akoné akonké ngasoddém kamínsu:gela turpénammé

Taniké turdagso sékkai kama:mílo 

Sékkai do:líng tÍléng du:mílo 

Turdagso bikamínsu:la do:pé-tÍpénammé

Sidag lédu:pé apong apinko,adin onyingko

Ané-abu,bíro-bírmangé,ajon-arumé bidaggom

Amongé tíyépé e:g-porog,ikiyé do:yépé.

Tani ajona turdagso lo:dém Taniké

Ngasodém kangkinlangka,ayamínsu:la du:langka

Sékkai kanam-kama:ngko bikamínsu:langka.