MITPANYOKUK NGOM
Jerry Pegu
Kinsumang ayiré kapé gídu:son
Mé:písumang atéré kapé tur:yéson
Nom mé:la manam asin manyísé yokmílo
Dula:yélang mé:pola lonyik turdakso .
Po:lok lédíl ta:karé
Lo:díp ka:rra dungkampé
Nosin lo:díp dubilang
Ngok mé:po mé:dír ayirém .
Kalí:dodoi kapé nom
Goglí:dodoi gokpé
Bímílo no ayang akunko
Asinso ngo lo:díp mosíl lé:pé
Mé:la dudak asiné
Yumdí rodí ayirém
Nokké sí:san ayadé
Du:yaryélang émna ngo .
Ngapinsudak angkékéngé
Amik miksé ré:jindak
Tatbekmamílo longédo
Nokké agom gomugko .
Mé:pomolang asinsém
Lo:díp ké:rad dunggela
Mitpanyokuk lotupé
Asin ayang bigela
No comments:
Post a Comment