SO:ÍNG A:NÉKO DUNGAI

Hitesor Kuli

So:íng a:néko dungai

Díyu bírduglo gubadyemíloi

Li:budsuge:la írsudungai

Lékomílo---

Pokubge:la ba:mandungai

Lékomílo---

Kélladge:la ékmandungai 

Longédok lo:tungko dopamanggom

A:né ru:ido gíyidmíloi

Aipé mé:po méngandungai 

So:íng a:néko dungai.

Na:né ba:bubí lutumdaggom

A:né ru:ido gílenna

Lo:dém--

Sulli okum momandungai

Kola batiém kotmandungai

Dé:pin-dé:pongém doman-tímandungai

Asin mé:po méngandungai.

Odo airdo--

Ané do:nyimé la abu po:lomé suttémla pesutungai

Érsutíyé émna

Émpige:la--

Kapin taré:mo:toné yun:pí:ton

Mébomsunam ayang a:nédém

Supaksin mago:la kaptíla dung

So:íng a:néko dungai émna.