সম্পাদকীয়

 

(Nébíngké Lupénam) সম্পাদকীয়….

Nok Bidumsunam i:dé de:k tani:lok turgodém turyarmodo 

(আপোনাৰ ৰক্তদানে বহুতৰ জীৱন বচাব পাৰে)

  Appíngéi ludag i:bidumsunamdé tani:lok turnam ako binamé. Agomdé arro:rung. Potinlo, kakokt-lusar atí atí:lo ngolu ka:begdag i:bidumsunamdé turdo ayirsok ayyapagné ageré. Émpila WHO (World Health Organization) lokké:bo lutéla NGO (Non-Government Organisations) lo:pé advertisement-ém lukanbitíla du:dag kinsuman ope:kídíngésin kinsuyepé émna. I:ko bidumsula tani ako turyarmolanamdé éddíko ainé agomé:ji édém tani: réngamo:é aido émmang. I: Bidumsuné ami:dém ru:né pínébí:sin aya:do. Ru:né píné:ké aya:namé mo:pí:so turyardo. Kapila:né tani: ako i:ko lagila sikí-turkíramla turra du:do: ayirdo kiné tani:dok naré téttén asinki i: ajjouko sé:kai bila ngok turgotsém bosaiyamílo ngo aipé mé:po:yai émna molamanggela:sin mé:né kiné tani:dém i:bidumsula turyarmokuné tani:dém ru:né bí:sin mé:po ménganmodo.

   Murkongo:lok kiné ramné tani:ém ngolu ka:pídlamang. Aré kama:pé, aré la:ma:pé nok bidumsunam i:dé mo:písok bojerungko tani:ém turyarmola:do. Ngolu dítag dítaglo 14th Ju:n-lo "mo:pí i:bidumsunam longé:ém (বিশ্ব ৰক্তদাতা দিৱস)" moí:rdo. I:bidumsunamdok aré:kídídém kinmo:nam léga:ngé gíbídné 2016 dítagdo:bo "Blood Connects Us All" émna main theme-ki mo:pí i:bidumsunam longé:dém moí:rka. I: aré, i: mosínam odokké i:bidumsula tani:lok turgodém turyarmo:lanamkídí:dém ansu-kinsu:monam légangé i:bidumsuné ope: odokké anupé i:bidumsuné ope:ém a:ng kíng-gímonam légangé édémpiné tarungém ba:tíla dung.

  Tani:é tani: léga:pé turpé lagido. Méngka:la kangkí:tok nok amik migyabo:do éddíko ga:ri motor dugné kinsuo:mapé accident-dagji, hospital ara:lo éddíko operation-nam tani:ém ka:begdagji odokké ommang oné atí atí ngasodém. Odo appí:doi i:ko lagidag. Édé ngapí ngasodla sikí-turkíramna turra du:né tani:kídí:dok turgodém nok bidumsunam i:dé anu turgotko bikunamdé éddíko airu:pé mé:po:pénam do:yingé:n. 

   I:bidumsuné tani:ém ru:né píné:bí aya:do émna kinge:la:sin akke silo:pé i:bidumsunam aré:dém kinma:pé dung. Bulu i: bipénammé émyemílo yallo gíla duggéndag. Yirngaksula dungkandag agomdém tadbegsuyem.

    I:binamdé okko:sin pé:sopénam kamang. Nolu kinna: du:nam léga:pé ngo aro do:yingauko lusedlíkpé - tani: ako i:bilídung émpige:la pésola dung. Supak kapé iya:n ? Ngo bím luto blood bank lo ngokké ajonko ager gerdag bí nom ayyo:pe lubiyépé. Ngo ngok ajondém phone-la gokto. Medical-lo tani:é ayirém ajjo:kosin yokpaglamang édém ngo kindag émpila lomdanna i:bipé:né tani:dok agomdém lubito. Pé:sonam agomdém tadge:la ngok ajondé yirra kangkano:pé lubito. Bík yirnamdé émmum yirnammang. A:ng kadopé yirnamé. Yurnamdém ka:míloi molaman tani:ésin sumrabla duglí:dopé yirnamé. I:bipéné tani:dé bím ka:begdange:lai lukang - kaiya, kapé kapé i:dém bipadang lubitéi. 

   Ngok ajondé kangkano:pé lubito - no okkomsin pésopénam kamang. Nokké i:bidumsulanam capacity du:mílo:pak i:ém bimo:dag. I: bimango:dapé nokké Weight, BP(Blood Presure), Hemoglobin appí:dém test-la ka:po:dag. Édébulu toitagla du:míloi no i:ém bidumsula tani:lok turgodém turyarmolado. I: bidumsunamdé tani: turgodo:dém turyarmo:mang, i: binamdé tani:lok ainé ékérlokképésin aido. Agomdém tadamdange:lai tani:dé ngok ajondém mé:po:danna ngo i:ém biye émna dagrubge:la amindémsin taudto - kainokké tatpo:né amindém lubisuya:mílo ? Manesh Medak. Ngok ajondé kangkinsuge:la duty-pé gípakkangku. Ngok ajondok agomdém tadla ngo:sin anupé angko pa:toku.

   Kajé émmí:lo ngolu appíngé i:bidumsunam ager tarungém gerrai odokké appíngé léko-lakko:pe turyarbosulai.

Tapan Lal