Miladoiké Ayang

 MILADOIKÉ AYANG

Dhana Prova Mili Taw

  Miladoibí ayang abolok si:sa:né mirém omé ba:boi Bikudhor-ké atér ommé. Médirdé okkon bí kinmang. Bí ame: dokkéboi ayang abolok si:sala bí sin ammem aípé ayadak . 

      Do:lung dok bík ka:kík a:o olum képé lé:sula gí:to. Olum bí aipé opan ao:é oddoké bí lo:bak lo:sidak . Olumké okum ríngngong toitik mala bík ba:boi ké okumdo Miladoi-mé yamné la:sang moka. 

        Miladoi ké Ané-abu dé aídé gí:sula omédém luto. Oiya nom olum bí okum bomna dobo layelang? Among-asi kamang, Aríg-ísing mokinmang, no kapé turyen ? Odo Miladoi bí mé:mila méngela okum pé gílat mínkangku. Odo Olum bí ni:tom je:sala mokang. Arig among kamanggom, A:m-kumsung kamanggom, okum rínggom kamanggom, migom agér gérnané aro tamkang dumalang. Okum bomla donané lutam lukampé odo dítag arangí:do olum bí migom agér pa:to. 

  Opan a:o olum bí bík do:lung okumdém kangkano:pé motoku. Miladoi mé kekon do:ludok mirém a:o Latibor képé bitoku. Miladoi bí mé:po ménganna Latibor ké kumdangém aipé bomna dung. Aso aso:pé Latibor bí yamné mirémém mé:nam agérém mérokkang. Miladoi bí Latibor-ké apin doma-tíma:pé bík a:ok kisapé bumla du:nam ka:la Milbo:dém tatto. Kapila no mé:dírla dun? Odo Latibor bí lukang, “Ngo silo oiké mida:do mímbír ko aipé ka:líksukang”. Miladoi bí gídanna Mímbírdém Latibor képé la:bito. Olum-bí migom agér gérkodok lusardo sí:sané ko:neng ko Punyum mé Da:ro midang modanna la:toku.

     Déoi Miladoi bí obo po:lum ko kamapéi bík milbong Latibor mé aru akoda yamném labi patoku.   

Doksiri দকচিৰি, ফেব্ৰুৱাৰী, ২০২৩