মোৰ কবিতাৰ
যতীন মিলি
মাউণ্ট এভাৰেষ্টৰ পৰা দুটা স্তন
ছিঙি আনি
শিৰোনাম কৰিলোঁ
মোৰ কবিতাৰ
আকাশৰ দুহাত কাটি আনি
অৱগুণ্ঠিকা কৰিলোঁ
মোৰ কবিতাৰ
নদীৰ নাভিৰ পৰা নৈপৰীয়া
নিনাদ এটি বুটলি কণ্ঠ কৰিলোঁ
মোৰ কবিতাৰ
বাটমেলা পথাৰখনৰ পৰা
সেউজীয়া উশাহ এটা টানি
হাওঁফাওঁ কৰিলোঁ
মোৰ কবিতাৰ
শিলৰ কলিজা পিন্ধাই গছক ক'লোঁ
নিৰৱে চাই থাক অ-
নিৰৱে চাই থাক
এদিন মোৰ কবিতাই তোৰ ডালে-পাতেও বগাব
হৃদয়ৰ বাসন্তী বতাহ এজাক উৰুৱাই
নীলিমাৰ নীলাভ চুমিব ...!
Doksiri দকচিৰি, মাৰ্চ, ২০২৩
No comments:
Post a Comment