MO:DÍ:SÉ NGOK MÉ:TOMÉ

Anuj yein

Adnna:né kolomdé ngok alagsok katogé,

Tékpu yapu:sul

Naré:pé aríkko ipé,

Aríkdo  jaryumné Mí:tan ísíng

Amlíyém píllígyé,

Édé katokdok íraga:dé

Do:mír, yari:pé Yara ye:pé,,,,

Apta:gíné kída:rém

Dungko among okum rotném

Ngolum né:né poném

Bulum katokki poso:mola ménpakdo,,,,,

Édé katokdok íraga:dé 

Abbug gomugé

Gomukdéi bugjer-ra bukkeyé 

Angu opín méngkeb-me:remné tani:yém,,,,

Ngok alagsok katokki

Nérkíkpé naré:pé

Aré kané agom lujubki du:yar boye,,,

Tang kané ísíng yapu:sula

Ma:titnné yumrangém

Yapu:sula

Dungko okum

 Lotta;ko kampo moiyé,,

Do:nyi,pédong,ésar

Geji,gero néi-néngan

Abung así adi:díting

Ngok alagsok katokki írga:yé;pé,,,,,

Sidé mo:di:sok

Ngok mé:tom lotta:sokki,,,,

Sidé déng amo:sé

Ngok mé:tom,gomlabé.....

Doksiri দকচিৰি, মাৰ্চ, ২০২৩