TOYA:LA DUNGAI

Mrinangko Patir

Okolai no gípadéyyéji émna

Toya:la dungai odo lambédo

Oko lambédo no lo:dísém gíyi gípaddoji

No:lang ngo ríksudoji

Asin do:yingém kímínsudoji.

Okkomsin bérmo:suma:pé

Okkomsin mé:mo:suma:pé

Toya:la dungai.

Odo adído ríksuma:mílo

Mé:po ngom gíríg-oríksuma

Yummiyé ngom lambé sutkanbima.

Takomé  ri:ri mola

Kinsula du:modung

Yubngaksupé iné mo:písém

Ngo jonsula dung bulum ajonpé.

Okolai lambé kolokké, no sagaréidu:ji

Mé:mi mé:mi:la taddo

Asiné ronggam pésamdung

Okkomsin ka:beg tadbegla:ma:dung

Oddung sékkai gomukko

Ma:nyi:p daga:dung.

Rokpoké ki:kiri:dé kinsumoto

Adí dugnamém léngkanbito

Ngo toramsuto nok gílenko lambédo

Oko lambédo no:lang ngo mé:podungaji

Asin do:yingém kímandungaji.

Doksiri দকচিৰি, মাৰ্চ, ২০২৩