NO KAMA:NÉ LÍGADO
Tuniram Médog
Gipuném moru:la talé:to
Dígíném mékutsul mége:la,
Lékoda a:doku lígangé
Bírdugém Kéra:lo ménmínla.
A:ng pítané mukkangé
Gítum gíbangé talé:té,
Pédong do:ri mongasula
Ayirpé ase:ma du:té:sé.
Dogang biné anéké pokíso
Ayirém ise: siyema:pé,
Anupé parsa:pe madung,
Turnan ngatur otsuré.
Dunggén aríg ríga:do
Purang kénong no:sigé,
No Kama:né líga:do
Rongngamé gumrag rakkodé.
Gíbídma:né longédok líga:do
Dénggo:dung anupé gumragé,
Lé:nong, marbang kapkodo
Dé:míndung eradma:né asiné.
Daktog ésar sarkodo
Sarmíndung mo:tépé ayangko,
Payomta:ngé asiném nígbomdung
No kama:mé líga:do.
No comments:
Post a Comment