NO KA:YÉMÍLO
Dipkesh Kaman
Paken,Gohpur
Ngo mé:su:dak édé nok ka:namdé
Ngom ka:du:ngo:némpé
Asinsé pokkí sudag jin-gé:la.
Té:lé kíjir po:lodok arig ayirdo
Do:nyi ka:sa:do nok a:m gadla du:do:dém
Béryé:pé émna dangorí:ko jo:tungai
Asinsé mé:namdém mé:tinsu:danna.
No ka:yémíllo ditagé abínyépé
Anu lékorésin kortitsuyépé,
A:né asi:désin ti:jík mole:yé:pé
Kapé:né no ngom bérrík sumala silo
Agom gomlabé:sin lutu lunga:dé.
Asiné rongkila nom aipé méngangkang,
Ma:nyi:bosin bojéko ka:begnam aba:kang
No ka:yémílo mé:lodsinei karsa:yakkui
Kartang yumédok karbug takardémpé.
Ka:namdok luro:ko asinso nokké légangé
Kíng-gísudanna asinbo paril métagai
Nok bérango:la ka:namdém toya toyala
Mé:nam agomdém ngo lunam légangé
Oiya,silo ngom lékoda ka:langka......
Doksiri দকচিৰি, মাৰ্চ, ২০২৩
No comments:
Post a Comment