NGO SILO MÉ:PO

 

NGO SILO MÉ:PO 

                           Krishno Dole:

                     Nalduwar, Majuli

Kombong po:lo a:langkula

Pédong ésar sardungku

Pédo ésar pa:langkula

Nésín né:yingé jarsa:dungku .

                   Nésín né:yingé jarsa:langkula

                   Silo ka:po kangané

                   So:dung yarib arra alag so:nyiki

                   Ka:po kanganpé .

Anu dítak a:langkula

Silo asin mé:po a:dungku

Du:pum du:pa suge:la

Yírman so:man modungku .

                   Kombong po:lo a:langkula

                   Ke:dang appun pundungku

                   Lí:né gené appun punnangkula

                   Po:pírbísin déng-go dungku.

Ngo gígo:la kang-go:to

Sé: gené mo:písém 

Mé:podung mímbír yame:yé

Akoném akoné ríksu:langkula .

                  Mirémbí mé:po dung 

                  Anu dítak a:langkula

                  Opanbí mé:dírdung 

                  Donam tí:nam ka:ma:la   

                  Mé:dírra dung ma:mo kamputibí

                  Yampo minomé gíyé émna .

Doksiri দকচিৰি, এপ্ৰিল, ২০২৩