MIGOMKÉ MÉ:DÍR

Raj Tilak Medok

Silapathar, Akajan 

Kombong po:lo a:dung

So:yunga no késík kéríksula kapila

Asin betkegédop sékké légangé kabdun ?

Oko mé:dír ngasodé kadun nokké?

Rokomlokké yo-yoradopé kapila kabdun ?

Du:ne nokkésin

Lé:si lé:sila asin onamko ?

Yubma do:ma:pé lo:dípé

Asin ní:pin gédopé kapila kabdun ?

Néi néngan ngansané kombong po:lo:so

Asin ara:bok dorra du:né ímísém

Si:ro ísíngém parrígyo

Angkésém níkkebdak.

Lubiyékulang so:yunga no ?

Yumdang ayirdok do:míré kémíg kémígla

Do:nyi:bísin mo:písém késík sudagdok

Migomké atér térnamdém ?

Asin kila miksé a:népé bitdnamdém ?

Doksiri দকচিৰি, মে, ২০২৩