NGO SÉ:KOBÍN NOKKÉPÉ

Onubob Priyom Miri 

Ngo Sé:obín nokképé

Miksi dímíloi dímínpé

Angkéng kimíloi kimínpé

Kabmíloi kabmínpé 

Ngo nokképé

Rokompé sa:né do:nyi:bímang

Sa:míloi sa:mínpé

Oa:míloi oa:mínpé 

Ngo nokképé

Do:mírtok karné takarbímang

Yumémíloi karpé

Longémiloi mitpé 

Ngo nokképé

Binné a:nébímang

Bitkodoi pimputpé bidmínpé 

Émpige:la ngo nokkémpé mé:latomang 

No moté:b gígéla du:daggom 

Ngo du:latomang

Nom asin ara:bokké angupé mé:latomang 

Nok do:yingém mé:ma:mílo

Longém du:latoma

Yubmém yublatoma 

No ngokké génam galugé

Beddagom omsi: omsi:la génamé

Ya:daggom nípu: nípu:sula génamé 

No ngokké tí:nam asi:é

Lí:daggom piltar-piltarra tí:namé 

Nom gémapé ngo du:lama

Nom tí:mapé ngo du:lama.

Doksiri দকচিৰি, মে, ২০২৩