ÉDÍLO

Ila Pegu

O ayira no riksumotei ngom

Asinbok tanidém

Toyala dung ngo 

Lo:disém

Aropéi no biladomílo turjon ajonko 

Kíbísuye ngok asin agomko 

Lubisuye ngok mé:po mé:dirko

 

Toyala dung ngo lo:dísém

Sí:sang sí:dukso asiné madag

Aro ayangko

Édílo pa:yen ngo

Nouíbong ngokké émna lunéko....

Aropé ayirno eddíko tomoyen atér atérpé.....

Sí:sa:sém sí:murmang mé:namsém mé:murmang 

Ríksumotéi ngom

Asinbok tanidém

Toyala dung ngo

Lo:dísém…

Do:nyi:no ka:punggel po:lono írpungge:l

Ngokké:p tonamdém mélígbitéi

Asinoi mé:tomki tombisudung nom

Bojeko ayirém la:yobong

No:sin lomtobong ngo:sin lompébong

Ngokké asin ayangé tolo:bolo:pé bidgola dung

Ayang okum émko:dé ayangé bi:danna dung

Aya:téi ngom ayatéi

O ayira….

Gené mo:písémpé jarmotéi

Doksiri দকচিৰি, জুন, ২০২৩