NGO MISINGÉ

Debanondo Pe:gu

Jonai

(1)

Ngo Misingé,lo:dísém Misi:pé ila du:yé

Samgabnam pisso kamanggom,son-gabnané bénéré dung

Émdaggom éddíng ngok aíké.

(2)

Iyong,tanné po:lodok torné do:nyido dale:né genémang ngo

Belabné lambédo burasuge:la mo:písém kargabla du:yé

Sékkaiké mola lé:nam ílíng okumdém aíké émna luyitsuma ngo

(3)

Ésaré sarku:yémílo dírné okumdém mosí: mosí:la du:yé

Édépakko ngoluk aíké

To:de: amíddém alapso íglíksuge:la angé-bírra:ngém mépagla:ma

(4)

Ta:to,ya:yoké dakor korténg okum jírjíksém bugabla du:yé

Botténé ésaré sara:daggom,pu:mu assé bida:daggom

Ísíng léppírémpé amongém kargapsula du:yé

Aíké gébom-sunam galuksém konggusupé do:nyi,po:lomé anyí:sudag.

(5)

Gonggo-sigo angkang émna mége:la gíma:yé

Lépo kéíkké amo:sé du:mílo,do:nyi,po:lobí yogma:mílo ngo Misi:pé ila du:yé.