Ngok Do:lu:do Pu:mi Assé Sa:mílo

Jiten Payeng

Ngok do:lu:do pu:mi assé sa:mílo

Go:ge tatík kídídé anu kabaném kaba:dag

Nobíbílíng takoyong takmdé

Okum pe:jo:do:p énga:dag.

Ngok do:lu:do pu:mi assé a:mílo

Bau arígdok ma:né a:mé Asinbo:pé ma:pídag

Ollung du:jon sí:dug mímbírdok

Oi ni:tom gombugdé 

Asinangém rong-kugdag.

Okum lotta ki:pardé

Ansí:n así ara:do

Do:mír ma:nyingém mang-kugdag.

A:né asi témílo

Pu:mi assé sa:mílo,

Okum pe:jong lummílo

Mugli: ngomug talí lígadé

Ngok okumdo dugo:dag

Ngok ma:nyingém ma:bidag

Ngok asiném kinbidag

Ngok agomém mé:bidag

Ngom ajonpé jonní:la 

Ngok okumdo madgo:dag.

Pu:mi assé okum lummíloi

Tapat-tare:  tabín me:rangé

Ngok asubdo:p éngala

Ngok yupko pati:do agom 

luma:p do:míndag. 

Ngok yirgodém yirmíndag.

Ngok saggém gímíndag.

Ngom ajonpé mé:lí:dag.

 

Ngok do:ludo pu:mi assé sa:míloi...

Ngok okumdém assé lumdag.