BA:BU

Sodanondo Patgiri

Gohpur

Ba:bu émnamsé

Ajjidog duggo:nam

Yumé-ro:log ma:nying,

Ba:bu émnamsé

Kampo-kangkanna

Médurlog mé:ponam do:yíng.

Ba:bu édulosin mé:mang

Ngo bottakabong émna,

Ba:bu gogdag

Ngom aín ko: luyumna.

Ba:bu mé:dag

Ngom bottané ru:tumpé,

Ba:bu mé:lugda

Ngom bojeko mirémdopé.

Ba:bu ke mé:lo:dé

Appíngémyang déryadag,

Ba:bu:ké mé:namé

Appíngémyang mité-mirémyadag.

Ba:bu du:tílang

Ngok turdag appíso,

Ba:bu turtílang

Ngok kérangouso.

Ba:bu émnamsé

Anu-anu potiné,

Ba:bu émnamsé

Ajji dokke bottadodopé

Mokumsunam gomkumé.

Doksiri দকচিৰি, আগষ্ট, ২০২৩