Tuniram Médog
Muksubém lugéng lugé:la
Ayirpé oma:ne Pédo:do,
Along asig bedgéné arígé:lé
Do:mírtém miksa:la Ka:dung,
Pédongém toya:la among rísondo
Me:dírém anpa:sula asindo,
Anin mo:téng mikpangéla
Lo:bagma:pé dénggo:tídung-
Pédong Kéno:né Péttangé.
Rusila ka:né po:lo loladdo
Ekérma:né abungé:lé,
Asi pékogé koga:la
Migyapkoté totedma:pé-
Takar dukkolo tomíngédung.
Mo:téng té:po:né sí:lungé:lé
Mikkíma:pé toya:tíla,
Pédong bírémné ésarém
Lo:dísiméi matídung.
A:né ru:yik do:lungé:lé
Pédong gíbon ayirém ré:badla,
A:ma:né longékídí:dok ma:nyingé
Asindo anupé garsa:dung
Yuladyuné ésardo
Ngadné mukkangé yinggo:la,
Ayirpé oma:né pédo:dé
Ru:bo:né asiném payagbomdung.
Doksiri দকচিৰি, আগষ্ট, ২০২৩
No comments:
Post a Comment