এটি অনুৰাগ
জ্যোৎস্না ৰানী বেগম
যদি তুমি আহিলা হেঁতেন
বিষ হৈ জাহ যোৱা
মোৰ যাতনা নেওচিবলৈ
নীলকণ্ঠী অনুৰাগ এটি হৈ
আহিলা হেঁতেন যদি
বুকুখন সহি পৰা দুখবোৰ
তুলি ধৰা
আঁচল পাতি ল'বলৈ
আৰু যদি আহিলাহেঁতেন
এচাতি মলয়াৰ সʼতে
ছাই হৈ পুৰি যোৱা কলিজাখন
শাত পেলাবলৈ
তুমি অহাৰ খবৰ পালে
মাধৈ-মালতী ফুলে
চৌপাশ গোন্ধে আমোল মোলাই
তুমি অহিবা বুলি জনাহেতেঁন
চিঙি যোৱা হৃদয়খন জোৰা মাৰিবলৈ
উজাই গʼলো হেতেন এটি মিঠা সুঁহুৰি হৈ
আহিবা বুলি জনাহেতেঁন তুমি
লঘোণীয়া উদৰ মোৰ
খালোহেতেঁন ফুলৰ মৌ কোহ বিচাৰি
তুমি অহাৰ বাতৰি পালে
বাৰ মাহে কপৌ ফুলে
এটি ব'হাগ ব'হাগ লগা অনুৰাগ হৈ
Doksiri দকচিৰি, আগষ্ট, ২০২৩
No comments:
Post a Comment