কল্পনা
দীপ্তি ঠাকুৰ গোস্বামী
দাদৰা আৰু নগৰ হাভেলি
মোৰ হৃদয়ৰ গোপন কক্ষৰ
জীৱনৰ সাঁচতীয়া সপোন
মধুৰ আলিংগনৰ উমাল পৰশ
শান্তিৰ পৃথিৱীত
অবুজ ভাষাৰ
এটি ছায়া
পাহাৰ ভৈয়ামেৰে বৈ অহা স্ৰোতস্বিনী
পলাশৰ সাৰুৱা ভূমিত
ঠন ধৰি উঠে মোৰ কঠীয়াডৰা
ৰঙীন মনৰ ৰঙীন চোলাৰে
জাক জাক শিশুৰ মিঠা হাঁহিবোৰ
পবিত্ৰ সৰোবৰৰ এখন পদুমৰ বাগিছা
উদিত সূয্যৰ কোমল ৰেঙনিত উজ্বলি উঠে
ধৰ্ম কৰ্মৰ সুন্দৰ প্ৰতিচ্ছবি
হিয়াৰ মণিকোঠাত
জীৱন নদীৰ সোঁতে সোঁতে
সমন্বয়ৰ চিত্ৰ অংকন কৰি
আই অসমীৰ হিয়া জুৰাম
বালুকাত ঘৰ সাজি
সপোন সাগৰৰ কল্লোল
নৈৰাশ্যৰ দৃশ্যৰ ঋণাত্মক দিশৰ শেষ বিদায়
দিবাস্বপ্ন মোৰ মানসপটত
দীপাধাৰাৰ ওপৰত এগছি শান্তিৰ বন্তি দীপ্যমান
মায়াময় পৃথিৱীত প্ৰেমৰ খোজ
মোৰ সুকোমল সেউজী দলিচাত
কেনভাচত মোৰ নতুন দিনৰ নতুন চিত্ৰ
বটবৃক্ষৰ তলত একত্ৰিত হোৱাৰ
বাস্তৱত কল্পনা মোৰ ওৰেটো জীৱন।
Doksiri দকচিৰি, নৱেম্বৰ, ২০২৩
No comments:
Post a Comment