PU:MI ASI

             Krishno Dole:

       Nalduwar, Majuli

Élé ka:nam kampopé 

Pimug appun punko amo:ngélé 

Lekeké ngoluk dungko do:lungai

Pu:mi asi bidyudla kampon sullipé ipakkang .

Élé kampopé ka:nam sulli-élé

Mo:písok gedob jarné amo:ngai

Nésí-néyí: sa:la so:bo menjeg raki:kouwai

A:m arig ige:la ajon jonna dungkai .

Édé longédém ka:pa:dag

Ngok mé:namké koyémna yírnamdém

Lígang so:do ayirdo

Yaripé arra so:namdém .

Élé ka:nam amo:ngélé

Po:ro nogin tonna tíngkodé

Élé ka:nam amo:ngélé

Gumrag so:man songkodé .

Oko kapin ayirkan ngoluk do:lung koyutton ?

Pu:mi asi pumpippé ngonyik ayang yupato

Adi among bankampé

Ngonyik ayang banpakkang.

Doksiri দকচিৰি, নৱেম্বৰ, ২০২৩