Aro do:ying
ASIN KIDAG
Someswor Médog
Longékoné aíké lu:jar Gugamuklo:pé gítoku. Oko do:lung Sumoni Médok-bo:pésin gíyeku. Ío:-ommang dung, biskutko bombikupé émna dukan mago:to. Mo:té:lokké ka:pa:to Mising ko:néngko édémpiné attarém lamté ru:yu:do kola dung. Mé:pokang Mising ommangé édémpiné ainé ager gerrébla. Odogíng Biskud répé émna gíala koto.
:- ko:néng, biskud peket appiko bi.
:- Saritaneki ? " ko:nédé tadlatsuto.
:- É:lo, appikona, éddén appido.
:- Bis toka, pa:sta niyok, eko toka hobo. - Ko:nédé luto.
Asiné airupé kikang, díkkang. Sémpéi anéké agom yogayekubon.
Airupé mé:dírkang.
:- Ko:nénga, Misingpé lutopén.
:- É, aroé ta:to. Angngo peketko rétopén, odo murkong língkoko iye.
Doksiri দকচিৰি, জানুৱাৰী, ২০২৪
No comments:
Post a Comment