MIPAG AJON

 

MIPAG AJON

Bhaigeswor Pogag

Sanglang

   Ka:subí:lang Renuka bí:nyi ajoné.Ko:ka:lokké porin ajoné.Ka:subí lékor angngo do:pé porige:la mépaktoku.Renuka bí lékor pi:nyido:pé porige:la mépaktoku.

Ka:subí Mipag agom bérogmang.Renukabí:sin Mising agom tatkinmang.Iskul gídolo asutko lukindagai.Iskul mépagdokké Mipag agomém mitpanamtokubo.Renuka bí:gom Mising ako annyiko kinnam kídardémgom mitpan tokubo.

Longékolo Ka:subí ajon Renuka:bím a:m gadbodopé émna daglíkpé goksudung. “Ajon Renuka potarot aji muk katibi, kali tuk katim.”Renukabí pésola gítomang.Ka:suké ané Ri:pungbí tauto-“Ka:sua nok ajon Renuka bí:son a:m gatkolo gítoman.” Aiyompé ludanna  goktagaboyém. Ka:subí andém lubito.Anédé Ka:sumé tauto- “kapé lula nokké ajondém gokkan?” Ka:subí anédém lubidungku-“Ajon Renuka potarot aji muk katibi,kali tuk katim émlana gokkané.” Ri:pubí aki gomgapsula kédgo kédgola yirkang odokké lukang-“Ngekoriya, Aji mur potarot dhan dai dibo,aha kali tumar dhan dhai dim émna lumapé.Aji muk katibi,kali tuk katim émtomílo pésola kapé gíyen? Silo ngom téglang,Yampo nom tég-ye émnamín no lutoné.” Ka:sibí “o, édémpéa” émgela bí:sin yirkang.

Doksiri দকচিৰি, জানুৱাৰী, ২০২৪