MÉ:DÍR-SAGÍ
Ashok Kumar Doley
Dhemaji
Tani:lok dungkamí:pé
Ísíng-ílíng lokkésin du:dag
Mé:dírélang sagígínamé
Médír-mé:songém angkedlo yégbomge:lagom
Kíngabla:ma:nam sagígasumém amírlo bígo:bomna dungge:la:gom
Taniyé yírra gígo:-daggo:la du:namíngémpé
Ísíng-ílíngégom jo:lama:nam mé:dírém tukkulo jongge:la tunna du:dag
Turnamdé tani:lokké mé:po-méngané
Mo:píso sa:namdé ísílokké mé:dír-saggé
Mo:té:lokké adiyém ka:popé ka:namíngémpé
Taniyélang ísíngémgom talé:pé ka:popé ka:dag
Émpige:la sé:kosin kinma:ngo:pé asin ara:bo ímí méramém payékpé gébomla du:dag
Taniyé ajon-arumlo kísarsula yokmodag asinlo pargapné mé:dírém
Érang ukumlo gísarsula ansí:modag sagígíla guné angkéngém
Taléngé odaggom mauré yumbomdaggom
Ísíng-ílíngé sékkolo:sin kísar sukinmang asin agomém
Asin agome'm ki'sarsukinma:la
I'si'ng-i'li'ng lokke' e'di'losin yokmang
Me'di're'lang sagi'gi'namé.
Doksiri দকচিৰি, জানুৱাৰী, ২০২৪
No comments:
Post a Comment