OKOL DU:DON RU:NÉNO
Binud Pegu
Sissimukh Namdang
Ru:né ru:né émna jé:la:sin
Jé:tad suma:né
Ru:nénok dungkodé
Moté:lai tatbekkuman
No éddíkon ru:na?
Akonéi anyikonéi aumkon.
Nok aya:ngém pa:nam
léga:ngé
Tani:é silo mopí:so
E:g poroggém ba:la
Ni:tom yari:ém manna
Ísi:nérí:do tedge:la
Doma:tíma:pé menna
Dung nokayangko toya:la.
Nok lukan agommé
Émna lugénggela
Donam-tínammém
Sappan suge:la
Tani:yém tani:yé
Tayum mínsudung
Tani:yém tani:yé
Moke mínsudung
Silo yélammém lugé:la,
No aropé tani:yém
Aya dumílo
Dakkan suge:la
Silo luteika
Sék lékordé korgapdu:n
Sék lékordé korgapdu:n,
So mopíso tani:yém
Méjo:ya:dope runggé:la
Gémodung simín asiném
Yokmodung asin
Amunsunamém.
Ru:neon tadbektei;
Ngok lunamsém
Yélam lugé:la
Angu asin mé:namém
No lékkongko lutei
Yelam kokki angu asin
Mé:yoka émna
Mo:písok tani:ye
Tani:yo:ngé émna
Lékkongko ru:na lutei
Ru:nénom jé:la jé:la kumdung
Nom jé:la jé:la kumdung.
No comments:
Post a Comment